Pavlodarda úsh kólik soqtyǵysty
PAVLODAR. QazAqparat – Pavlodar qalasynda 3 kólik soqtyǵysyp, bir adam zardap shekti, dep habarlaıdy QazAqparat Pavlodarnews.kz saıtyna silteme jasap.
Oblystyq Polıtsııa departamenti baspasóz qyzmetiniń málimetinshe, búgin saǵat 08:13-te Malaısary men Mútkenov kósheleriniń qıylysynda «Lada Granta» jáne «Aýdı» avtokólikteri soqtyǵysqan. «Lada» soqqydan qoqys tasıtyn «ZIL» markaly kólikke soǵylǵan.
«Jol-kólik oqıǵasy saldarynan júk kóliginiń jolaýshysy jaraqat alyp, aýrýhanaǵa jetkizildi. Oqıǵa ornynda polıtsııa jumys isteýde», - dedi Polıtsııa departamenti bastyǵynyń birinshi orynbasary Jasqaırat Qaıyrov.
