Pavlodarda úsh er adam kúkirt sýtegimen ýlanyp qaldy

PAVLODAR. QazAqparat - Aqtoǵaı aýylynyń úsh turǵyny 8 tamyzda saǵat 20:32-de Aqtoǵaı aýdandyq aýrýhanasyna jetkizildi, dep habarlady Pavlodar oblysy TJD-nyń baspasóz qyzmeti.

Olar Mýtkenov kóshesinde káriz shuńqyryn keńeıtý jumystaryn oryndaý barysynda kúkirtti sýtekpen ýlanǵan degen boljam jasaldy.

Oblystyń densaýlyq saqtaý basqarmasy baspasóz qyzmetiniń aqparatyna sáıkes, Pavlodarǵa sanıtarlyq avıatsııa jetkizgen 1987 jylǵy jigittiń jaǵdaıy aýyr. Ol qalalyq aýrýhananyń toksıkologııalyq bólimine jatqyzyldy.

1990 jylǵy jigit Aqtoǵaı aýdandyq aýrýhanasynda, onyń jaǵdaıy ortasha aýyr deńgeıde baǵalanýda. Taǵy bir 29 jastaǵy zardap shekken er adam es-tússiz jatyr. «Ony Pavlodarǵa aparý týraly kelissózder júrip jatyr», - dep habarlady densaýlyq saqtaý basqarmasynyń baspasóz qyzmeti.