Pavlodarda uryny ustap alǵan kondýktorlarǵa syıaqy beriledi
PAVLODAR. QazAqparat - Pavlodardaǵy jolaýshy tasymalymen aınalysatyn fırmalar Іshki ister departamentimen birlese otyryp qylmystardyń izin sýytpaı ashý jóninde memorandým jasasty, dep habarlaıdy «QazAqparat» HAA tilshisi.
«Polıtseıler qoǵamdyq kólikterdegi urlyqtardyń aldyn alý maqsatynda avtobýstar men marshrýttyq taksı salondaryna beınakameralar ornatý jóninde keńester berdi»,-dep habarlaıdy Pavlodar oblystyq ІІD baspasóz qyzmeti.
Jolaýshy tasmaldaýshylar men polıtseıler bas qosqan májiliste osy másele talqylanyp, birlesken memorandýmǵa qol qoıyldy. Jıynǵa Pavlodar, Ekibastuz, Aqsý qalalalaryndaǵy avtobýs parkteriniń ókilderi men qalaaralyq jolaýshy tasymalymen aınalysatyn fırmalar qatysty.
«Jıynǵa qatysýshylar avtobýs salondaryna qaltaǵa túskish urylardyń eskertý sýretterin ilip qoıý týraly usynysqa qoldaý bildirdi. Polıtsııa qyzmetkerleri atalmysh qylmysqa kýá bolyp, uryny qolǵa túsirgen kondýktorlar men júrgizýshilerge syıaqy taǵaıyndaýdy tártibin túsindirdi. Olar 102-ge qońyraý shalyp, qoǵamdyq tártipti buzǵan adam týraly aqparatty kez kelgen ýaqytta jedel basqarma ortalyǵyna jetkize alady»,-deıdi baspasóz qyzmeti.
Polıtseıler mańyzdy qylmystyq aqparat bergenderge aqshalaı syıaqy tabystalatyny jóninde ýáde berdi.
aktobetimes.kz
