Pavlodarda urlanǵan zattardy satyp alǵan boıjetken iri kólemde aıyppul tóleýi múmkin
ASTANA.QazAqparat - Pavlodar qalasynyń turǵyny urlanǵanyn bile tura baǵaly zattardy satyp alǵany úshin aıyptaldy, dep habarlaıdy «QazAqparat» HAA tilshisi.
Bul týraly Pavlodar oblysynyń ishki ister departamentiniń baspasóz qyzmeti habarlaıdy.
«Polıtseıler 35 myń teńgege urlanǵan ishik pen noýtbýk satyp alǵan 24 jastaǵy Pavlodar qalasynyń turǵynyn qolǵa túsirdi. Boıjetken baǵaly zattardy týysynan satyp alǵan. Ustalǵan boıjetken arzanǵa ishik pen kompıýterdi satyp alý arqyly jaýapkershilikten jaltaram dep oılaǵan», - dep habarlaıdy vedomstvodan.
Qazirgi ýaqytta osy faktige sáıkes QR Qylmystyq kodeksiniń 196-baby 1-bólimi «qylmys joldarymen alynǵanyn bile tura, múlikti satyp alý» boıynsha sotqa deıingi tergeý júrgizilýde. Sotta kúdiktiniń kinási dáleldengen jaǵdaıda, oǵan úsh júz aılyq eseptik kórsetkish mólsherinde aıyppul salynýy múmkin. Nemese zań bul jaǵdaıda aıyptalýshyny 75 táýlikke deıingi merzimge qamaýǵa alý sanktsııasyn qarastyrady.
