Pavlodarda urlanǵan 13 bas mal qojaıyndaryna qaıtaryldy
ASTANA. QazAqparat - Pavlodarda polıtseıler "Mal urlyǵy" aktsııasy aıasynda bir kúnniń ishinde urlanǵan 13 bas maldy ıelerine qaıtarǵan, dep habarlaıdy pavlodarnews.kz.
Pavlodar oblystyq ІІD baspasóz qyzmeti taratqan aqparatqa súıensek, alǵashqy bolyp sıyr urlady degen kúdikpen Pavlodar aýdanynyń 37 jastaǵy jáne Sharbaqty aýdanynyń 41 jastaǵy turǵyny qolǵa túsken. Tártip saqshylary urlanǵan maldy izdestirý barysynda et ónimi tıelgen 50 júk kóligin tekserip, qujatsyz et tasymaldaý boıynsha segiz ákimshilik hattama toltyrǵan.
«Tereńkól aýylyna jaqyn mańda, "Kachır-Pavlodar" tas jolynda óziniń "Aýdı" kóliginde tórt bas iri qara mal áketip bara jatqan 29 jastaǵy azamat ustaldy. "Ýspen-Pavlodar" baǵytynda, Tavoljan aýylynyń janynda polıtseıler eki jylqy tıegen "Lada" kóligin toqtatqan. Eki azamattyń da qujattary bolmaı shyqty. Nátıjesinde olarǵa 20 AEK kóleminde aıyppul salyndy», - deıdi baspasóz qyzmetinen.
