Pavlodarda un tartýshylar men naýbaıhanashylar tapshy

PAVLODAR. KAZINFORM — Jergilikti kásipkerler bul máseleni tehnologııalyq kolledjde jańa mamandyqtar ashý arqyly sheshýdi usynyp otyr.

социальный хлеб
Фото: Дарья Аверченко/Kazinform

Pavlodar tehnologııalyq kolledji, qala kásiporyndary jáne «Atameken» óńirlik palatasy tamaq ónerkásibi salasynyń suranysqa ıe mamandyqtary boıynsha kadrlar daıarlaý týraly memorandýmǵa qol qoıdy.

— Jańa memorandým Pavlodar kásiporyndarymen birlesip naýbaıhana, kondıterlik jáne un tartý óndirisinde jumysshylardyń jetispeýshiligin sheshýge múmkindik beredi, — dep atap ótti óńirlik kásipkerler palatasynyń dırektory Erqanat Ábenov.

Pavlodarda un tartýshylar men naýbaıhanashylar tapshy
Foto: Óńirlik kásipkerler palatasy

Buǵan deıin Qaıta óńdeýshiler qaýymdastyǵynyń basshysy Janar Serimova kásipkerler palatasyna ótinish bildirip, óńirde un tartý óndirisiniń zerthanashylary jetispeıdi degen másele kótergen. Al nan pisirý óndirisi mamandarynyń tapshylyǵy máselesin «Agro Damý» JShS quryltaıshysy, «Ertis nan» nan zaýytynyń dırektory Mádına Jaqypova qozǵaǵan edi.

Bul máselelerdi eskergen jergilikti tehnologııalyq kolledj basshylyǵy jýyq arada oqý ornynda jańa mamandyqtar — elevatorshy, un tartýshy, jarma, qurama jem óndirisshileri, naýbaıhanashylar oqytyla bastaıtynyn málimdedi.

Qazir «Ertis Kómek» qorynyń kómegimen oqý protsesine qajetti jabdyqtardy satyp alý boıynsha jumystar júrgizilip jatyr. Jańa mamandyqtar qyrkúıekte ashylady dep josparlanǵan.

Buǵan deıin agrokeshenge bólingen qarajattan fermerler qaǵylyp otyrǵany týraly másele kótergenbiz.

Сейчас читают