Pavlodarda ÚEU-bıznes-memleket seriktestiginiń respýblıkalyq forýmy ótýde
Alqaly jıyn jergilikti qoǵamdastyqtyń áleýmettik máselelerdi sheshýde bıznes, úkimettik emes sektor jáne memlekettik organdardyń kúsh-jigerin belsendi etýge baǵyttalǵan. Bul el deńgeıinde, sondaı-aq, óńirlik kontekstti tolyǵymen zerdeleý maqsatynda úsh jaqty yntymaqtastyq qarqynyn kórsetýge múmkindik beredi. Forým 4 baǵytta: SOCIAL – ASAR «Bıznestiń áleýmettik salany damytýǵa qatysýynyń tıimdi modelderi», ECO – ASAR «Jasyl» seriktestiń formatyndaǵy álem», IT – ASAR «Áleýmettik salanyń ınnovatsııalyq damýyndaǵy IT jobalardyń róli» jáne INCLUSIVE – ASAR «Inklıýzıvtik qoǵam ýaqyty» ótkizilýde. Forým jumysyna bıznes-qurylym, otandyq jáne halyqaralyq ÚEU, sarapshylar qaýymdastyǵynyń, ortalyq jáne memlekettik organdar ókilderi qatysýda.
Eki kúndik forým sheńberinde «Áleýmettik ınnovatsııalar: óńirlik damý jetistiginiń formýlasy» taqyrybynda plenarlyq otyrys ótkiziledi. Onyń aıasynda úsh jaqty áriptestikti jáne onyń tetikterin damytý, áleýmettik ınvestıtsııalar baǵyttarynyń paradıgmasyndaǵy bıznestiń qyzmeti, «kishi» otandy damytýǵa áleýmettik ınvestıtsııalar jáne t.b. máselelerdi talqylaý josparlanýda. Oǵan qosa, master-klasstar, case-study semınarlaryn, workshop-tar (praktıkýmder), «#7 Spıker» ıntellektýaly konferentsııasyn uıymdastyrý jáne memorandýmǵa qol qoıý josparlanǵan. Sonymen qatar, alǵash ret «ASAR activity» jobasyn uıymdastyrý josparlanýda, onyń sheńberinde forým qatysýshylary «Birge – taza Qazaqstan» respýblıkalyq aktsııasyna qosylatyn bolady.
Aıta keteıik, alǵashqy «ASAR» forýmy 2017 jyly Atyraýda, ekinshi forým 2018 jyly Taldyqorǵanda ótkizilgen, bıylǵy forým Pavlodar qalasynda ótýde.
