Pavlodarda UBT-nyń alǵashqy kúni úsh túlek eń joǵary ball jınady
ASTANA. QazAqparat - Pavlodar qalasynda UBT-nyń alǵashqy kúni úsh mekteptiń oqýshylary eń joǵary ball jınady, dep habarlaıdy pavlodarnews.kz .
Qalalyq bilim berý bóliminiń resmı saıtynda jarııalanǵan málimetke súıensek, № 16 mekteptiń oqýshysy Alǵyr Salmenbaev - 138 ball, № 11, № 35 mekteptiń oqýshylary Botagóz Ertysbaeva men Ádil Tıshtenov 133 baldan alǵan. Ulttyq biryńǵaı testileýdiń alǵashqy kúni pavlodarlyq túlekter eń joǵary 140 baldan ortasha eseppen alǵanda 97,14 upaı jınaǵan. 2016 jyly apellıatsııa men shyǵarmashylyq mamandyǵyn tańdaǵan túlekterdiń nátıjesin esepke almaǵanda ortasha kórsetkish 84,4 baldy quraǵan bolatyn. Bıyl 208 túlek 100-den joǵary ballǵa qol jetkizdi. № 7 jalpy orta bilim berý mektebi (111,8 ball), №16 JOM (104,5 ball), № 25 JOM (103,9 ball), № 9 JOM (103,3 ball), № 42 JOM (102,97 ball), №17, 37 JOM (102,9 ball), №1 JOM (101,7 ball) joǵary nátıje kórsetti. 21-maýsym kúni PMÝ men PMPI-de 23 jalpy bilim berý mektebinen testileýge 462 oqýshy qatysqan. Onyń 195-i nemese 42,2 paıyzy memlekettik tilde tapsyrǵan. 2017 jyly qala boıynsha 37 mektepten 705 túlek nemese 68 paıyzy UBT-ǵa qatysýǵa ótinish bergen. Búgin 22-maýsym kúni InEÝ-de 14 mektepten 226 túlek test tapsyrdy.
Aıta keteıik, ótken jyldary UBT-nyń alǵashqy kúninen keıin Pavlodar oblysy boıynsha aldyn ala nátıjelerdi jarııalap kelgen bolsa, bıyl jańa erejelerge sáıkes testileýdiń úshinshi kúninen keıin ǵana qorytyndy belgili bolady.
