Pavlodarda ÝAZ kóligi traktor tirkemesimen soqtyǵysyp, jolaýshy kóz jumdy
PAVLODAR. KAZINFORM - Polıtsııa qaıǵyly jol-kólik oqıǵasy boıynsha qylmystyq is qozǵaǵan. Oqıǵanyń barlyq mán-jaıy men sebebi tergeý barysynda anyqtalatyn bolady.
«Omby – Maıqapshaǵaı» avtojolynyń Aqqýly aýylynan 10 shaqyrym qashyqtyqta ÝAZ markaly avtokólik MTZ-80 traktorynyń tirkemesimen soqtyǵysqan.
- Qaıǵyly jaǵdaı 27 qarasha kúni boldy. Traktordyń shóp tıelgen tirkemesine soǵylǵan ÝAZ kóliginiń jolaýshysy oqıǵa ornynda kóz jumǵan. Jol-kólik oqıǵasy boıynsha qylmystyq is qozǵaldy. Barlyq mán-jaı men sebepteri tergeý barysynda anyqtalady, - dep habarlady óńirlik polıtsııa departamentinen.
Polıtsııa departamenti osyndaı oqıǵalardyń aldyn alý maqsatynda jol júrý erejelerin qatań saqtaýdy, jyldamdyq rejımin tómendetýdi, ásirese kólik qozǵalysy qarqyndy ýchaskelerde abaı bolýdy jáne kólik quralynyń tehnıkalyq jaǵdaıyn únemi qadaǵalap otyrýdy eskertedi.
Eske sala keteıik, Pavlodar oblysynda júk kóligi men jeńil kólik soqtyǵysyp, eki adam mert boldy.