Pavlodarda TJM qyzmetkerleri joıqyn jarylystyń aldyn aldy

ASTANA. QazAqparat - Pavlodarda tońazytý jáne jeldetý jabdyǵyn shyǵaratyn kásiporyn ǵımaratynda bolǵan órt kezinde jalyn ishinen 50-den astam jarylǵyz zaty bar ballon shyǵaryldy, dep habarlaıdy QR TJM baspasóz qyzmeti.

«Búgin saǵ.15-55-te Pavlodar qalasyndaǵy saıdıngpen qaptalǵan bir qabatty temirbetondy ǵımaratta (tońazytý jáne jeldetý jabdyǵyn shyǵarady) órt shyqty. Kólemi 250 sh.m.alańda qural-jabdyqtar jandy. Órt sóndirýshiler oqıǵa ornynan gaz ballondaryn tapty. Órt sóndirýshiler batyrlyq tanytyp, órt ornynan 4 gaz (50 l.), 2 kómirqyshqyl (50 l.), 6 ottegi (50 l. ), 8 azot ( 50 l.) jáne 30 freon (10 l.) ballonyn, 1 kanıstr benzın ( 20 l.) shyǵardy. Budan basqa órt sóndirýshilerdiń jedel is-qımyly arqasynda órt kórshi ǵımarattarǵa taralǵan joq» delingen habarlamada.Órt sóndirý bólimsheleri kelgenge deıin 13 adam óz betinshe oqıǵa ornynan evakýatsııalandy.Sonymen qatar personal órt oqıǵasy ornynan 2 gaz ballon (27l.) shyǵardy. Órt saǵat 17:29-da oqshaýlanyp, saǵat 19:18-de sóndirildi.Qaıtys bolǵandar men zardap shekkender joq.Órtti sóndirýge 35 órt sóndirýshi men 7 birlik órt tehnıkasy, jedel-qutqarý jasaǵynyń qutqarýshylary, Apattar medıtsınasy ortalyǵynyń medıtsına qyzmetkerleri jumyldyryldy.