Pavlodarda túzeý mekemesiniń qyzmetkeri para alǵany úshin 6 jylǵa sottaldy
ASTANA. KAZINFORM – Pavlodar qalasynda oıynǵa táýeldiligi bar túzetý mekemesiniń qyzmetkeri sybaılas jemqorlyq faktisi – para alý boıynsha sottaldy.
Prokýrorlar sottalǵan adamnyń jazasynyń ótelmegen bóligin jeńildetilgen jazaǵa aýystyrý týraly sheshim qabyldaý jáne qylmystyq-atqarý júıesi mekemelerinde uıaly telefondardy zańsyz ótkizý úshin laýazymdy tulǵaǵa aqsha aýdarý faktilerin anyqtady. Atalǵan somany ol býkmekerlik keńselerde bás tigý úshin paıdalanǵan.
Memlekettik aıyptaýdy dáleldi júrgizýdiń nátıjesinde 2026 jylǵy 1 sáýirde sot oǵan 6 jylǵa bas bostandyǵynan aıyrý, memlekettik qyzmette jumys isteý quqyǵynan ómir boıyna aıyrý jáne ádilet kapıtany arnaıy ataǵynan aıyrý jazalaryn taǵaıyndady.
Úkim áli zańdy kúshine engen joq.
Aıta keteıik, osyǵan deıin Aqmola oblysynda 58 mln teńge jymqyrǵan esepshi 7 jylǵa sottalǵanyn habarlaǵan edik.
