Pavlodarda tuşy jáne tuzdy kólder ornalasqan jer zańsyz satylmaq bolǵan
ASTANA. KAZINFORM — Aqtoǵaı aýdanynyń prokýratýrasy aýmaǵynda sý obektileri men sý qorǵaý aımaqtary ornalasqan aýyl sharýashylyǵy maqsatyndaǵy jer ýchaskelerin zańsyz berý áreketiniń jolyn kesti. Bul týraly Prokýratýra málim etti.
Tekserý barysynda tuşy jáne tuzdykólder, sondaı-aq tuz óndirýge paıdalanylatyn sý aıdyndary ornalasqan úsh jer ýchaskesiniń konkýrsqa shyǵarylǵany anyqtaldy.
— Konkýrs qujattamasyn ázirleý kezinde memlekettik organ tarapynan arnaıy rásimderdi ótkizýdi jáne qajetti kelisimderdi alýdy kózdeıtin Sý kodeksiniń mindetti talaptary saqtalmaǵany belgili boldy. Nátıjesinde múddeli tulǵalarǵa tek jer ýchaskelerine ǵana emes, jalpy aýmaǵy 60 gektardan asatyn, erekshe mańyzǵa ıe jáne memleket qorǵaýyndaǵy sý resýrstaryna da qol jetkizý múmkindigin berý áreketi jasalǵan, — dep habarlady quzyrly organnan.
Prokýrorlyq qadaǵalaý aktisi boıynsha zańsyz konkýrs nátıjeleri joıylyp, anyqtalǵan zań buzýshylyqtar joıyldy. Tabıǵı resýrstardy utymdy paıdalaný salasyndaǵy memlekettik múddeler qorǵaldy.
Jiberilgen zań buzýshylyqtar úshin kináli laýazymdy tulǵalar tártiptik jaýaptylyqqa tartyldy.
Aıta keteıik, Qyzylordada quny 86 mln teńge jer ýchaskesi memleket menshigine qaıtaryldy.
