Pavlodarda túrmeniń býhgalteri sottaldy

Bul týraly QR Bas prokýratýrasynyń baspasóz qyzmetinen habarlandy.

«Pavlodar qalasy №2 sotynyń 2011 jylǵy 17 mamyrdaǵy úkimimen qaladaǵy túzeý kolonııasy biriniń esep aıyrysý býhgalteri qyzmettik qujattardy qoldan jasaǵany úshin 1 jylǵa bas bostandyǵynan aıyryldy. Qylmyskerge qatysty asa iri mólsherde memlekettik aqshalaı qarajatty urlaǵany úshin, naqty aıtqanda, ózine, eseptelgen aqshanyń jumysyn oryndamaǵan qyzmetkerlerge, bóten adamdarǵa jalaqyny zańsyz eseptegeni, olardyń kartochkalaryna aýdaryp, keıinnen ıemdengeni úshin jaýapkershilikke tartyldy. Urlanǵan aqsha somasy shamamen 5 mln. teńgeni qurady» delingen baspasóz aıǵaǵynda.

Sottalýshynyń sot otyrysynda aqshalaı qarajatty ıemdenbegeni, óz basshylyǵynyń nusqaýyn oryndaǵany, sondyqtan da zańsyz eseptelip alynǵan aqshalaı qarajatty olarǵa bergeni jaıly ýájderi sot otyrysynda joqqa shyǵarylmaǵan. Degenmen, onyń ýájderin tekserý úshin qylmystyq ister materıaldary urlaý bóliginde bólinip, sottalǵannan basqa da laýazymdy tulǵalardyń qatystyǵy týraly máseleni sheshý úshin is qarjy polıtsııasyna joldanǵan.