Pavlodarda týrıstik nysandar týraly telefon arqyly bilýge bolady
ASTANA. QazAqparat - Pavlodarlyqtar maýsym aıynan bastap úsh tilde aqparat beretin tegin telefon jelisine habarlasyp, týrıstik nysandar týraly bile alady, dep habarlaıdy pavlodarnews.kz.
Bul týraly oblys ákimdiginde ótken apparattyq keńeste kásipkerlik, saýda jáne týrızm basqarmasynyń basshysy Ardaq Dosanov málim etti. «Maýsym aıynda úsh tilde tegin týrıstik jeli iske qosylady. Kez kelgen qońyraý shalǵan adam óńirdegi týrıstik nysandar men marshrýttar týraly aqparat ala alady», - dedi A. Dosanov.
Onyń aıtýynsha, aqpan aıynda temirjol saparjaıynda aqparattyq baǵan turǵyzyldy. Qala qonaqtary osy jerden týrıstik nysandarǵa qatysty málimetten habardar bolady.
