Pavlodarda turǵyndarǵa tegin kitaptar syıǵa tartyldy
QHA jastar qanaty úılestirý keńesiniń tóraıymy Elına Paýlınanyń aıtýynsha, búgin koreı, grek, bolgar, grýzın, slovaıan, ázerbaıjan, tatar, nemis jáne «Nur bolashaq» birlestikteriniń ujymdary qala qonaqtary men turǵyndaryn ózderiniń mádenıetimen tanystyrady. Sonymen qatar, kez kelgen adamǵa tegin kitaptar syıǵa tartylyp, túrli sporttyq jarystar uıymdastyrylady.
Dostyq úıinde barlyǵy 24 etnomádenı birlestik jumys isteıdi. Onyń quramynda 20 túrli ult ókiliniń ishinen 2500-den adam astam adam kiretin 17 jastar qanaty bar. - «Qoldan - qolǵa» nemese «Júrekten - júrekke» aktsııasy aıasynda arbatqa kóptegen aqyn, jazýshylardyń 60-tan astam týyndysyn ákeldik. Máselen, jazýshy, qoǵam jáne memleket qaıratkeri Shyńǵys Aıtmatovtyń «Janpıda», «Qosh bol, Gúlsary» sııaqty shyǵarmalary bar. Bul eńbekterdi slavıan ortalyǵy kitaphana qoryna syıǵa tartqan bolatyn. Endigi turǵyndar on kitapty alyp ketti. Ásirese, kóbi balalarǵa arnalǵan kitaptardy suraıdy, - deıdi «Qoǵamdyq kelisim» mekemesi jastarmen jumys jónindegi bóliminiń meńgerýshisi Jupar Nurahmetova.
