Pavlodarda turǵyn úı qabyrǵasyna asa úlken búrkitshi sýreti salyndy
PAVLODAR. QazAqparat - Pavlodarlyq «Jasyl el» stýdenttik qurylys jáne jastar eńbek jasaqtarynyń shtaby oblys ortalyǵyndaǵy osynaý aýqymdy jobany alǵash ret usynyp otyrǵandyǵyn moıyndady, dep habarlaıdy QazAqparat tilshisi.
«Jasyl el» aerografıkalyq jasaǵy bul shyǵarmashylyq jumysty shamamen eki kúnniń ishinde bitirgen. Nátıjesinde pavlodarlyq aerografıkter tórt qabattyq bıiktikte turǵyn úıdiń qabyrǵasynda ornalasqan asa úlken kompozıtsııany usynyp otyr.
Qazaqstan Respýblıkasynyń Konstıtýtsııasy kúnine arnalǵan «Búrkitshi» aerografıkalyq sýreti Táýelsizdik dańǵyly boıyndaǵy nómiri ekinshi turǵyn úıdiń búıir qabyrǵasyna salynǵan.
«Bul Konstıtýtsııa kúnine oraı týǵan qalamyzǵa jasalǵan ózindik syılyq ispettes óte jaýapty joba boldy», -deıdi «Jasyl el» pavlodarlyq oblystyq shtabtyń jobalyq menedjeri Roman Krasnoşekov.
