Pavlodarda turǵyn úıdiń terezesinen qulaǵan áıel jan tapsyrdy

PAVLODAR. KAZINFORM — Qaıǵyly oqıǵa ótken túnde tirkelgen. Polıtsııa atalǵan jazataıym derek boıynsha tekserý sharalaryn júrgizip jatyr.

Oblys ortalyǵynda jasy 30-dar shamasyndaǵy áıel adam bıikten qulap kóz jumdy.

— Shaqyrý 24 tamyz kúni saǵat 22:06–da tústi. Nazarbaev kóshesinde ornalasqan kópqabatty úılerdiń birinen áıel adam qulaǵan. Oqıǵa ornyna shuǵyl barǵan medıtsına qyzmetkerleri jasy shamamen 30-35-tegi belgisiz áıeldiń aýyr jaraqattar alyp, kóz jumǵanyn anyqtady, — dep habarlady óńirlik jedel járdem stansasynyń baspasóz qyzmetinen.

Pavlodar oblysy polıtsııa departamenti jazataıym oqıǵadan qaıtys bolǵan áıeldiń jeke basyn, oqıǵaǵa ne sebep bolǵanyn anyqtap jatyr.

Eske sala keteıik, Pavlodarda anasymen birge bıiktikten qulaǵan balalardyń biri kóz jumdy.