Pavlodarda turǵyn úıden shyqqan órt bir mezette 6 páterdi sharpyǵan
PAVLODAR. KAZINFORM - Búgin keshkilik oblys ortalyǵynda 10 qabatty úıdiń balkondary órtendi. Turǵyndar oqıǵa kezinde óz betterimen evakýatsııalanǵan.
- 9 shilde kúni saǵat 18:28-de Pavlodar qalasynyń Estaı kóshesinde ornalasqan 10 qabatty turǵyn úıden órt shyqty. Órt 7-shi qabattan 10-shy qabatqa deıingi balkondardy sharpyǵan. Tilsiz jaý jalpy sany 6 páterge kirgen. Bul páterler úsh azamatqa tıesili. Órt sóndirýshiler kelgenge deıin turǵyndar óz betinshe evakýatsııalanǵan. Tótenshe jaǵdaılar departamenti bólimsheleriniń jedel is-qımyldarynyń arqasynda órt saǵat 19.14-te oqshaýlanyp, tolyǵymen sóndirildi. Jalpy aýdany 60 sharshy metrdi qurady, - dep habarlady Pavlodar oblysy tótenshe jaǵdaılar departamentiniń baspasóz qyzmetinen.
Oqıǵa ornynda 31 adamnan turatyn tótenshe jaǵdaılar qyzmetiniń kúshteri men quraldary jáne 13 tehnıka, sondaı-aq Apattar medıtsınasy ortalyǵy jumys istedi. Zardap shekkender joq.
