Pavlodarlyq soǵys ardageri 99 jasqa keldi

PAVLODAR. KAZINFORM — Vasılıı Grıgorash Altaı ólkesinde dúnıege kelgen. Qart maıdanger ekinshi dárejeli «Otan soǵysy» ordenimen, «Japonııany jeńgeni úshin» medalimen marapattalǵan.

Pavlodar qalasynda turatyn soǵys ardageri Vasılıı Grıgorash 99 jasqa toldy. Ardager Zabaıkale áskerı okrýginiń atqyshtar polkiniń quramynda qatardaǵy jaýyngerden bólimshe komandırine deıin surapyl soǵys soqpaǵymen júrip ótti. Erligi úshin ekinshi dárejeli «Otan soǵysy» ordenimen, «Japonııany jeńgeni úshin» medalimen marapattalǵan.

1951 jyly ol Pavlodarǵa kóship kelip, lokomotıv deposyna jumysqa turdy. 1988 jyly zeınetke shyqqanda eńbek kitapshasynda bir ǵana jazý — depoda eńbek etkeni týraly baıandalǵan.

— Jastarymyz aýyrmasyn, kóńilderi qartaımasyn. Otany men týǵan otbasyn aıalasyn. Barlyq otandasyma uzaq ǵumyr tileımin, — deıdi Vasılıı Grıgorash.

Qazirgi ýaqytta Ertis-Baıan óńirinde Ekinshi dúnıejúzilik soǵystyń 6 ardageri turyp jatyr.

Eske sala keteıik, Pavlodar oblysynda turatyn soǵys ardagerlerine 5 mln teńgeden beriledi.