Pavlodarda trıatlondy damytý úshin 27 mıllıon teńgege velosıped satyp alyndy
ASTANA. QazAqparat - Pavlodar qalasynda №1 Balalar jasóspirimder sport mektebindegi trıatlon bólimine quny 27 mıllıon teńge turatyn 100 jańa velosıped satyp alyndy, dep habarlaıdy pavlodarnews.kz.
Lýnacharskıı kóshesi, 28/b mekenjaıyndaǵy sport mektebiniń bazasynda trıatlon bólimi aǵymdaǵy jyldyń mamyr aıynda ashylǵan bolatyn.
«Qazirgi kúni onda 152 balamen bes arnaıy jattyqtyrýshy jumys isteıdi. Bul mektepti trıatlon jabdyqtarymen jabdyqtaý úshin, ıaǵnı velosıped, sporttyq kıim, jattyǵý qurylǵysyn alý maqsatynda oblystyq bıýdjetten 27 mıllıon teńge bólindi. 80 velosıped «Twitter» fırmasynda alıýmınııden, al, qalǵan 20-sy «Euro bike» fırmasynda karbonnan jasalǵan», - deıdi qalalyq dene shynyqtyrý jáne sport bóliminiń sporttyq sektor meńgerýshisi Kúmisaı Asaıynova.
Aıta keteıik, trıatlon sportymen aınalysatyn balalar kóktemniń jyly kúnderi ekologııalyq taza kólikterdi paıdalana alady. Qazirgi kúni oqýshylar jabyq sport zaldarynda shynyǵýda. №1 BJSM Pavlodar qalasynda 1971 jyldan beri jumys istep keledi. Mektepte 10 sport túri boıynsha 1500-den astam jas sportshy tárbıelenýde.
