Pavlodarda transheıada jumys istep jatqan eki adamdy topyraq basyp qaldy
PAVLODAR. QazAqparat - Pavlodarda shuńqyrda jumys istep jatqan eki adamdy topyraq basyp qaldy, dep habarlaıdy QazAqparat.
Oblystyq tótenshe jaǵdaılar departamentiniń málimetinshe, 28 sáýir 14.06 shamasynda pavlodarlyq «112» pýltine shuǵyl habar túsken.
Onda Kıslovodskaıa, 77 mekenjaıynda eki jumysshynyń zardap shekkeni kórsetilgen.
Oqıǵa ornyna 7 qutqarýshy men apattar medıtsınasy ortalyǵynyń brıgadasy shyqty.
Kelgen boıda sý qubyryna or qazyp jatqan eki er adamdy topyraq basyp qalǵany anyqtaldy.
Qutqarýshylar jergilikti turǵyndarmen birlesip 1970 jáne 1976 jyly týǵan eki er adamdy jerdiń astynan qazyp alyp, syrtqa shyǵardy.
Olarǵa apattar medıtsınasy ortalyǵynyń qyzmetkerleri alǵashqy kómek kórsetti jáne «103» qyzmetine tapsyrdy.
