Pavlodarda tramvaıdyń jolaqy bıleti qymbattady
ASTANA. QazAqparat - Pavlodarda 15-qazannan bastap tramvaıda júrý jolaqysy bes teńgege kóterilip, 70 teńgege jetti, dep habarlaıdy pavlodarnews.kz.
«Pavlodar qalasynyń tramvaı basqarmasy» AQ-nyń baspasóz qyzmetiniń málimetinshe, jol júrý quny 22 shildede VI shaqyrylymdaǵy qalalyq máslıhat depýtattarynyń segizinshi kezekten tys sessııasynda qabyldaǵan sheshimine sáıkes qymbattaıdy.
«Sońǵy ret jolaqy 4 tamyzda ósken bolatyn. Sol kezde avtobýs pen shaǵyn avtobýstarda jol júrý quny 10 teńgege kóterildi, al tramvaıda tek 5 teńgege ǵana ósti. Depýtattar jazda biryńǵaı jol júrý quny týraly sheshim qabyldaǵan soń, 15-qazannan bastap qala boıynsha tramvaımen júrý 70 teńgege jetedi. Al, qaladan tys jerde 95 teńge bolmaq», - dedi basqarmanyń baspasóz hatshysy Tımofeı Golev.
Aıta keterligi, 15 sanattaǵy azamattarǵa barlyq jeńildikter saqtalady. Zeınetkerler men 7 jastan 15 jas aralyǵyndaǵy oqýshylar 35 teńge tóleıtin bolady.
