Pavlodarda tramvaı qaǵyp ketken qyzdardyń anasy ótemaqy surady
PAVLODAR. QazAqparat - Pavlodarda qyrkúıek aıynda tramvaı qaǵyp ketken oqýshy qyzdardyń anasy Shynar Ýalıtovanyń advokaty sot arqyly tramvaı júrgizýshisinen bir jarym mıllıon teńge ótemaqy suraǵan, dep habarlaıdy «QazAqparat» HAA tilshisi.
Pavlodardyń №2 sotynda advokat Sh. Ýalıtovanyń ótinishin oqyp berdi: «Bir jarym mıllıon teńge kóleminde moraldyq zalaldy óndirip berýińizdi suraımyn», - delingen hatta.
Peknıchtiń advokaty istiń qujatyna tramvaı basqarmasynyń zardap shegýshilerge 2 mln teńge, keıin kompanııa qyzmetkerleri óz erikterimen 350 myń teńge aýdarǵanyn tirkeýdi surady.
Zardap shegýshi tarap bul ótinishke qarsylyq tanytqan. Shynar Ýalıtova tramvaı basqarmasynyń oqýshy qyzdardyń anasyna qarjyny óz bastamasymen aýdarǵanyn alǵa tartyp, bul talapty tikeleı jeke tulǵa retinde tramvaı júrgizýshisine baǵyttalǵanyn málimdedi.
7 qyrkúıek kúni apaly-sińlili mektep oqýshylaryn qaǵyp ketken 30 jastaǵy Natalıa Peknıchtiń isine qatysty birinshi sot talqylaýy 21 qarashada ótti. Oǵan QR QK 345-baby 3-bólimi boıynsha aıyp taǵylýda.
Іsti Dýman Serikbaev júrgizip jatyr. Shynar Ýalıtovanyń ózi sot otyrysyna kelmedi. Sot kelesi otyrysty 7 jeltoqsanǵa belgiledi.
Eske salaıyq, 2017 jyldyń qyrkúıeginde 2007 jáne 2009 jylǵy apaly-sińlili eki qyzdy tramvaı qaǵyp ketken bolatyn. Úlkeni kóz jumyp, kishisi aýrýhanaǵa jetkizilgen. Tramvaı júrgizýshisi 1987 jyly týǵan. Eńbek ótili - 5 jyl.
