Pavlodarda «Toyota Land Cruiser» jolaýshylar avtobýsyna soǵyldy
PAVLODAR. QazAqparat – Pavlodar qalasynda jeńil kólik jolaýshylar avtobýsyna soǵyldy, dep habarlaıdy «QazAqparat» HAA menshikti tilshisi.
Anyqtalǵandaı, qalalyq baǵdardaǵy 22-avtobýsta jolaýshylar bolmaǵan.
«2 aqpan kúni saǵat 20:20-da Kamzın kóshesindegi 307-úıge qarama-qarsy avtojolda «Toyota Land Cruiser«-di basqarǵan Reseı Federatsııasynyń 62 jastaǵy azamaty jol júrý erejesin óreskel buzyp, qarsy jolaqqa shyǵyp ketken. Onda №22 «Ankai« avtobýsymen soqtyǵysty. Baǵdarlyq avtobýs jolaýshylarsyz, avtobýs parkindegi aýysymnan kele jatqan», - dedi Pavlodar oblystyq Polıtsııa departamenti jergilikti polıtsııa qyzmeti basqarmasy bastyǵynyń orynbasary Qýanysh Mustafınov.
Jol apaty saldarynan «Toyota Land Cruiser» kóliginiń júrgizýshisi jaraqat alyp aýrýhanaǵa jetkizildi.
«Avtokólik arnaıy aıyp turaǵyna qoıyldy. Tekserý júrgizilýde», - dep atap ótti PD-dan.
