Pavlodarda tórt mýzykalyq mektep biriktiriletin boldy
ASTANA. QazAqparat - Pavlodardaǵy №2 mýzykalyq mekteptiń pedagogtary men ata-analar engizilip jatqan jańashyldyqtarǵa qatysty alańdaýshylyq tanytýda, dep habarlaıdy pavlodarnews.kz.
Bilim ordasynyń dırektory Laýra Temirǵalıeva aldaǵy kúnderi mektepke qala ákiminiń qalalyq úsh mektep pen Kenjekól mýzyka mektebiniń biriktirilýi týraly qaýlysy kelgenin aıtady.
- Bizdiń ustazdar birneshe mektepte jumys isteıdi, - deıdi Laýra Temirǵalıeva. - Ońtaılandyrý saǵat sanynyń qysqarýyna, soǵan sáıkes eńbekaqynyń azaıýyna ákeledi. Bizge basshylar men eki orynbasary, esepshiler qysqartylatyny týraly aıtty. Keıbir ustazdar jańashyldyqqa baılanysty jumys isteýden bas tartýda.
Qala ákimdigi ońtaılandyrýdy 11 qarashada júrgizbek. Ata-analar bolsa ákimniń qaýlysyna qatysty sotqa shaǵym joldaýǵa daıyn ekenderi týraly habarlaǵan.
Máseleniń mán-jaıy týraly Pavlodar qalasynyń bilim berý bólimi túsindirip berdi.
- Mektep ǵımaratyn eshkim tartyp almaıdy, - deıdi qalalyq bilim berý bóliminiń sektor meńgerýshisi Aıgúl Tólektemirova. - Eshkim qysqartylmaıdy. Ǵımarat ta sol qalpynda qalady. Mýzyka mektebiniń jetekshileri óz bólimsheleriniń meńgerýshisi, orynbasarlar qosymsha bilim berý pedagogtary bolyp aýystyrylady. Bir ǵana dırektor bolady jáne ol konkýrs negizinde tańdalady.
Sektor meńgerýshisi budan basqa qaladaǵy eki mektep te ońtaılandyrýdan ótetini týraly aıtady. Qamzın kóshesi, 78 mekenjaıy boıynsha ornalasqan № 2 mýzyka mektebi 1960 jyly alıýmınıı zaýytynyń qyzmetkerleri úshin ashylǵan. Búginde bul mektepte 375 tárbıelenýshi 15 mamandyq boıynsha bilim alýda.
