Pavlodarda topyraq qulap, bir adamdy basyp qaldy

ASTANA. QazAqparat - Pavlodarda topyraq qulaýynyń saldarynan bir adam qaza taýyp, taǵy biri aýrýhanaǵa jatqyzyldy. Qaıǵyly oqıǵa búgin Lesozavod shaǵynaýdanynda boldy.

TJD málimetterinshe, eki adam Kópeev kóshesindegi jekemenshik turǵyn úıdiń aýlasynda jer qazý jumystar júrgizgen.

«Jedel kezekshige habarlama saǵat 10:45-te kelip tústi. Topyraq shuńqyrdyń ishinde bolǵan er adamdardyń ústine tógilgen. Oqıǵa ornyna shuǵyl jetken jedel-qutqarý jasaǵy barlyq qajetti jumystardy júrgizip, adamdardy syrtqa shyǵardy», - dep habarlady TJD baspasóz qyzmetiniń mamany Aıgerim Qusaıynova. «Jedel medıtsınalyq kómek brıgadasy zardap shegýshini aýrýhanaǵa jetkizdi, ekinshi adam oqıǵa ornynda qaza tapty».