Pavlodarda tonnalaǵan jasymyq burshaǵy er adamdy mert qyldy
PAVLODAR. QazAqparat - Pavlodarda jumys ornynda júrgen er adam tonnalaǵan jasymyq ósimdigi burshaqtarynyń astynda qalyp, mert boldy, dep habarlaıdy QazAqparat tilshisi.
«Bul, shaqyrýdyń birinshi sanattaǵy deńgeıi. Sondyqtan dárigerler brıgadasy oqıǵa ornynda on eki mınýttyń ishinde boldy. Bes mınýttan keıin qutqarýshylar jasymyq burshaǵy tolǵan shuńqyrdan jansyz jatqan zardap shegýshini shyǵaryp aldy», - dedi Pavlodar jedel járdem stansasy bas dárigeriniń orynbasary Olga Verbovaıa jýrnalısterge.
30 jastaǵy KamAZ júrgizýshisin Pavlodardaǵy № 2 kókónister bazasynda birneshe tonna jasymyqty túsirý kezinde basyp qalǵan. Bul, kúndizgi saǵat on bir shamasynda bolǵan. Anyqtalǵandaı, ol qaýipsizdik tehnıkasy erejelerin ustanbaı, júk kóliginiń bortyn ashyp jibergen. Tonnalaǵan jasymyq burshaǵy ony birden kómip qalǵan.
«Dárigerler er adamnyń ólimi tynys alý joldarynyń mehanıkalyq asfıksııasy saldarynan, ıaǵnı tunshyǵýdan bolǵanyn belgiledi», - dedi Olga Verbovaıa.
Oqıǵanyń mán-jaıy tekserilýde.
