Pavlodarda tok soǵyp kóz jumǵan er adamnyń denesi tabyldy
PAVLODAR. QazAqparat. - Pavlodarda máıiti tabylǵan er adam shamamen 30-35 jasta, dep habarlaıdy QazAqparat tilshisi.
« 5 qarasha kúni, saǵat 16.40-ta transformatorlyq qosalqy stansanyń janyndaǵy JShS-niń bireýine baratyn avtojoldyń mańynan 30-35 jastaǵy syrt kelbeti eýropalyqqa uqsaıtyn er adamnyń máıiti tabyldy», - dep habarlady Pavlodar oblystyq polıtsııa departamentiniń baspasóz qyzmeti.
Marqumnyń kim ekeni anyqtalyp jatyr.
«Ólimniń aldyn ala sebebi – elektr togy soqqan. Atalǵan fakti boıynsha sotqa deıingi tergeý júrip jatyr. Tıisti saraptama taǵaıyndaldy», - dedi vodomstvodan.
