Pavlodarda toǵyzynshy qabattan qulaǵan 29 jastaǵy áıel aman qaldy
PAVLODAR. QazAqparat - Pavlodarda 9-qabattan qulaǵan áıel aýyr jaǵdaıda aýrýhanaǵa jetkizildi, dep habarlaıdy QazAqparat.
Oblystyq tótenshe jaǵdaılar departamentiniń málimetine sensek, 11 mamyr saǵat 14.37 shamasynda Pavlodar oblysy «112» pýltine shuǵyl habar túsken.
Onda Pavlodar qalasy akademık Bekturov kóshesi, 109 mekenjaıynda oqys oqıǵa bolǵany aıtylǵan.
Toǵyz qabatty turǵyn úıdiń toǵyzynshy qabatyndaǵy páterdiń terezesinen 1993 jyly týǵan áıel qulap ketken.
Ol úıge irgeles salynǵan «Ekstramed» medıtsınalyq ortalyǵynyń tóbesine qulaǵan.
Qutqarýshylar zardap shekken áıeldi aýrýhanaǵa jatqyzdy.
Oqıǵanyń mán-jaıy anyqtalyp jatyr. Oqıǵa ornyna Pavlodar oblysy TJD 5 qutqarýshy men bir tehnıka barǵan.
