Pavlodarda toǵyzqumalaqtan el chempıonaty ótip jatyr
PAVLODAR. KAZINFORM - Birinshilik otandyq toǵyzqumalaq myqtylarynyń basyn qosyp otyr. Altyn jáne kúmis júlde ıelerine Túrkııada ótetin álem chempıonatyna joldama beriledi.
Toǵyzqumalaqtyń blıts jáne rapıd túrleri boıynsha ótip jatqan chempıonatqa Qazaqstannyń 14 oblysy men 3 qalasynan 124 oıynshy qatysyp jatyr. Sportshylar 24 qańtarǵa deıin jekeleı oıyndar ótkizedi.
«Bul – jańa jyldaǵy alǵashqy respýblıkalyq týrnır. Bıyl mamyr aıynda Túrkııanyń Ystanbul qalasynda blıts pen rapıdten VII álem chempıonaty ótedi. Pavlodar tórinde ótip jatqan týrnırde 1, 2-oryn alǵandar atalǵan jarysqa joldama alady. Básekege sheberlikteri ábden qalyptasqan toǵyzqumalaqshylar jınalyp otyr. Jasy 14-ten joǵary sportshylar keldi. Bul jerde keıbir sport sheberligine úmitker jastarǵa sensatsııa jasaýǵa ábden múmkindik bar»,-deıdi chempıonattyń bas tóreshisi Shárip Qashkenov.
Aıtyp óteıik, jarysta 5 QR-ǵa eńbegi sińgen sport sheberi, 17 halyqaralyq dárejedegi sport sheberi, 23 sport sheberi óner kórsetip jatyr. Qatysýshylardyń 66-sy er, 58-i áıel sportshylar.
