Pavlodarda tóbeleskenderdi ajyratpaq bolǵan jigit pyshaq jaraqatynan ajal qushty
ASTANA. QazAqparat - Pavlodar qalasynda 19 jastaǵy jigit janjal kezinde pyshaq jaraqatyn alyp, qaza tapty, dep habarlaıdy pavlodarnews.kz .
Agenttik tilshisine habar bergen qala turǵyndarynyń biri atap ótkendeı, jigitter arasynda janjal Instagram jelisindegi sýret úshin oryn alǵan. Jas qyzdardyń biri 21 jastaǵy jigitpen túsken sýretin áleýmettik jelige júktegen. Keıin qyzdy unatyp júrgen jigitterdiń biri máseleniń mán-jaıyn anyqtaý úshin eki dosymen birge kezdesýge baryp, úsheýi 21 jastaǵy jigitti soqqynyń astyna alǵan. Olardy arashalaýǵa kelgen 19 jastaǵy jigitke oılamaǵan jerden pyshaq tıip, ol kóz jumdy. Aıta keteıik, qaıtys bolǵan er bala Omby qalasynda bilim alyp júrgen. Demalys kúnderin ótkizý úshin Pavlodar qalasyna kelgen eken.
ІІD baspasóz qyzmeti atalmysh faktini rastady. - 2017 jyldyń 29 qazanynda shamamen tańǵy saǵat 05.00-de Qamzın kóshesiniń boıynda ornalasqan úıdiń janynda jigitter jaǵa ustasyp, saldarynan 21 jastaǵy turǵyn 19-jastaǵy jigitke pyshaq jaraqatyn keltirgen. Alǵan jaraqatynan ol aýrýhanada kóz jumdy. Osy faktige qatysty QR QK 99-babyna sáıkes «Adam óltirý» boıynsha sotqa deıingi tergeý bastaldy. Kúdikti qamaýǵa alyndy, - dedi baspasóz qyzmetinde.
