Pavlodarda «Til, mádenıet, jastar - jarqyn bolashaq!» atty forým ótti
Forýmǵa oblystaǵy qala men aýdandardyń belsendi jastary qatysyp, til saıasaty men «Týǵan jer» baǵdarlamasyn júzege asyrýǵa qatysty túıindi pikirlerin ortaǵa saldy, dep habarlaıdy pavlodarnews.kz .
Atalǵan sharanyń uıymdastyrýshylary Pavlodar oblysynyń tilderdi damytý jónindegi basqarmasy men «Molodej za zdorovyı obraz jıznı» JQB. Saltanatty túrde Ánuranmen bastalǵan plenarlyq májilisten keıin jalǵasyn tapqan «Latyn grafıkasy jáne qazaq tili» jáne «Memlekettik til - jastar» taqyrybyndaǵy sektsııalyq bloktarda qatysýshylar latyn álipbıine kóshýdiń utymdy tustary men paıdasy týraly tujyrymdarymen bólisti.
«Bıyl «Qazaqsha sóılesý ońaı!» atty joba qolǵa alyndy. Jobanyń maqsaty: «Serpin» stýdentterin tartý arqyly Pavlodar qalasynda turyp jatqan túrli ult jastary arasyndaǵy orys tildi bóligine qazaqsha sóıleý ortasyn qurý», - deıdi Qazaqstan halqy Assambleıasy jastar qanaty etnosynyń múshesi Anastasııa Ilchenko. "30 qatysýshymyz «Serpin» baǵdarlamasynyń stýdentteri men qazaq tilin usynylǵan joba boıynsha meńgergisi keletin Pavlodar qalasynyń jastary boldy. Bir aıdyń ishinde biz qazaqsha ortany quryp, bir birimizge qonaqqa baryp, ulttyq dástúrlerimizdi kórsetip ońtústikten kelgen jastarmen dos boldyq. Jobany oılap shyǵarǵan Elına Paýlı jáne Daryn Tájibaev syndy belsendi jastarymyz. Jáne joǵary bilimin kórsetken jastarǵa Elına EKSPO-ǵa bılet syılady. Al barlyq qatysýshylarǵa Tilderdi damytý basqarmasy jáne Slavıan mádenı ortalyǵy kitaptardy tabys etildi. Joba mindetteri: Qazaq tilin úırenýdi nasıhattaý; Qazaq tilin qyzyqty oqytý barysyn kórsetý; «Serpin» baǵdarlamasy boıynsha oqyp júrgen stýdenterdi áleýmettendirý; Pavlodar qalasyndaǵy qazaqsha sóıleı alatyn jastar sanyn kóbeıtý".
Forým barysynda memlekettik tildiń damýyna úles qosqan jastar marapattalyp, baǵaly syılyqtar tabystaldy.
