Pavlodarda tergeý mekemesine ákelingen torttyń ishinen uıaly telefon tabyldy
PAVLODAR. KAZINFORM – Sálemdemeni Pavlodar qalasynyń turǵyny ýaqytsha ustaý ornynda qamaýda otyrǵan tanysyna ákelgen. Oǵan qatysty Ákimshilik quqyq buzýshylyq týraly kodeksiniń 481-baby boıynsha ákimshilik hattama toltyrylyp, materıaldar sotqa joldandy.
Pavlodar qalasyndaǵy №63 mekemesiniń tergeý ızolıatorynyń aýmaǵyna tyıym salynǵan zatty jetkizý áreketiniń joly kesildi. Sottalýshyǵa arnalǵan sálemdemeni tekserý barysynda mekeme qyzmetkerleri tortty muqııat qarap shyqqan. Tekserý kezinde kondıterlik ónimniń ishinen asa muqııat jasyrylǵan uıaly telefon, eki SIM-karta jáne USB kabeli tabylyp, tárkilendi.
– Sálemdemeni Pavlodar qalasynyń turǵyny mekemede qamaýda otyrǵan tanysyna ákelgen. Atalǵan derek boıynsha azamatqa qatysty QR Ákimshilik quqyq buzýshylyq týraly kodeksiniń 481-baby boıynsha ákimshilik hattama toltyrylyp, materıaldar sotqa joldanady, – dep habarlady óńirlik qylmystyq-atqarý júıesi departamentinen.
Mekeme qyzmetkerleriniń aıtýynsha, tyıym salynǵan zattardy azyq-túlikke jasyryp ótkizý áreketteri ara-tura kezdesip turady. Degenmen barlyq sálemdemeler mindetti túrde muqııat tekseristen ótetindikten, mundaı zańsyz áreketter der kezinde anyqtalady.
Eske sala keteıik, Astanada dúkender men dámhanalarǵa qaýipti et jetkizgen jasyryn tseh anyqtaldy.
