Pavlodarda terezeden sekirgen er adam aǵashqa ilinip qalǵan
PAVLODAR. QazAqparat - Pavlodarda terezeden aǵashqa sekirgen er adam qutqaryldy. Ol nelikten sekirgenin aıta almady, dep habarlaıdy Pavlodarnews.kz.
Tótenshe jaǵdaılar departamentine Gagarın kóshesinde aǵashta otyrǵan er adam týraly habarlama kelip túsken.
Qutqarýshylardy ýchaskelik polıtseı shaqyrǵan. Ol er adam terezeden aǵashqa sekirgenin jáne 3-qabattyń deńgeıinde otyrǵanyn aıtqan.
- Qutqarýshylar baspaldaq arqyly er adamdy tómen túsirip, polıtsııa qyzmetkerine tapsyrǵan. Oqıǵa ornyna bes adam jumyldyryldy, - dedi TJ departamentinde.
Oblystyq polıtsııa departamentiniń málimdeýinshe, 48 jastaǵy pavlodarlyq óńirlik psıhıkalyq-nevrologııalyq dıspanserdiń esebinde tur. Quqyq qoǵaýshylardyń aıtýynsha, er adam 3-qabatta turatynyn rastap, terezeden sekirgisi kelmegenin jáne aǵashqa qalaı tap bolǵanyn bilmeıtinin aıtqan.
