Pavlodarda temirjol bıletterin zańsyz satý jaǵdaıy anyqtaldy

PAVLODAR. QazAqparat - Memlekettik qyzmet isteri jáne sybaılas jemqorlyqqa qarsy is-qımyl agenttiginiń Pavlodar oblysy boıynsha departamentinde temirjol tasymaldary salasyndaǵy jemqorlyqpen kúres júrgizetin jobalyq top quryldy, dep habarlaıdy «QazAqparat» HAA tilshisi. 

«Shilde aıynda «Qazaqstan temir joly» UK» AQ fılıaly qyzmetine monıtorıng júrgizý kezinde jolaýshylar tasymalynyń pavlodarlyq bólimshesinde «qupııa satyp alýshy» ádisi arqyly jolaýshylardy zańsyz tasymaldaý faktisi anyqtalǵan. Arnaıy monıtorıng júrgizý tobynyń músheleri, qoǵam ókilderi Pavlodar-Almaty baǵytyndaǵy jol júrý bıletteriniń zańsyz satylǵanyn anyqtady. Bılettiń quny 12 500 teńgeni quraǵan, biraq kassada artyq bılet bolǵan joq. «QTJ» AQ qyzmetkerleri qupııa satyp alýshyǵa bıletsiz jol júrip, ol úshin 20 myń teńge surady», - dep habarlady Memlekettik qyzmet isteri jáne sybaılas jemqorlyqqa qarsy is-qımyl agenttiginiń Pavlodar oblysy boıynsha departamentinen.

Osyǵan uqsas faktiler eldiń basqa aımaqtarynda da bolǵan, dep qosyp ótti vedomstvo. Monıtorıng qorytyndylary boıynsha, birqatar qyzmetkerler jaýapqa tartyldy.