Pavlodarda telefon urlaǵany úshin kópbalaly ana sottaldy
PAVLODAR. QazAqparat - Pavlodar oblysy Jelezın aýdandyq sotynda uıaly telefon urlaý faktisi boıynsha 6 balanyń anasyna qatysty is qaraldy, dep habarlaıdy QazAqparat vedomstvonyń baspasóz qyzmetine silteme jasap.
Іs materıaldaryna sáıkes, azamatsha A. Veselaıa Roşa orta mektebiniń ashanasynda tamaq berý kezinde ústelde jatqan N. esimdi azamatshanyń «LG-k5200» markaly uıaly telefonyn baıqap, ony urlaǵan. A. urlanǵan múlikpen birge qylmys jasaǵan jerinen ketip qalady. Osylaısha, ol N.-ǵa 90 000 teńge somasyndaǵy múliktik zııan keltirdi.
Sot otyrysynda A. kinásin tolyǵymen moıyndady. Onyń kámeletke tolmaǵan alty balasy bar, turǵylyqty jerinde ol týraly jaman sóz joq. Aýyl turǵyndarynan eshqandaı shaǵym túspegen. Qylmystyq jáne ákimshilik jaýapkershilikke tartylmaǵan. Ol talap etilgen azamattyq talapty tolyq óteýge mindetteldi.
Sot úkimimen A. QK 188-baby 1-bóligi boıynsha kózdelgen qylmysty jasaǵany úshin kináli dep tanyldy jáne oǵan múlikti tárkileýsiz, 6 aıǵa bas bostandyǵyn shekteý jazasy taǵaıyndaldy.
Úkim zańdy kúshine engen joq.
