Pavlodarda tegin konsýltatsııa kezinde birneshe adamnan qaterli isik anyqtaldy
PAVLODAR. QazAqparat - Senbi kúni Pavlodarda júrgizilgen tegin konsýltatsııa kezinde birneshe adamnan qaterli isik anyqtaldy, dep habarlaıdy QazAqparat Pavlodarnews.kz saıtyna silteme jasap.
Qabyldaýdy mekemeniń bilgir mamandary júrgizdi. Atap aıtqanda, oblystyq onkologııalyq dıspanserde onkologııalyq aýrýlardy erte anyqtaýǵa jáne aldyn alýǵa arnalǵan ashyq esik kúni ótti.
Dárigerler qalanyń barlyq turǵynyn shaqyrdy. Ol úshin aldyn ala tirkelýdiń qajeti bolmady jáne tegin keńes berildi.
«Dıspanserdiń úzdik onkologtary men onkogınekologtary qabyldaý júrgizdi. Ashyq esik kúni 114 adamǵa keńes berildi, qaterli isiktiń eki jaǵdaıy, bes obyr aldy jaǵdaıy jáne taǵy 52 aýrý anyqtaldy», - dep habarlady ortalyqta.
Dárigerler óńir turǵyndaryn jyl saıyn emhanalarda tekserýden ótýge shaqyrdy. Aq jeleńdiler onkologııanyń erte satysynda emdeletinin eske salady, sondyqtan skrınıng týraly umytpaǵan durys.
2021 jyldyń 12 qańtarynan bastap oblystyq onkodıspanserde alǵashqy patsıentter «Varian Medical Systems» amerıkandyq kompanııasynyń «VitalBeam» KT-sımýlıatory bar jelilik údetkishte konformdy sáýlelik terapııany ala bastady.
Buǵan deıin óńirlik áleýmettik medıtsınalyq saqtandyrý qorynda ártúrli jasta skrınıngten nege ótý kerektigi aıtylǵan bolatyn.
