Pavlodarda tazalyqshy jarty mıllıon teńge jalaqysyn sot arqyly óndirip aldy
ASTANA. QazAqparat - JShS-da jumys istegen tazalyqshynyń eńbek daýy mámilegerlikpen retteldi, dep habarlady Pavlodar qalalyq sotynyń baspasóz qyzmetinen.
«Pavlodar qalalyq sotynda S. esimdi azamatshanyń JShS-dan eńbekaqyny óndirip alý týraly azamattyq isi qaraldy. S. JShS-da tazalyqshy bolyp jumys istegen. 2016 jyldyń aqpan aıynda jumysshynyń bastamasymen eńbek kelisimsharty buzylǵan. Jumysshyny jumystan bosatý barysynda oǵan 513 437 teńge mólsherinde eńbekaqy tólenbegen. S. seriktestikten jalaqy boıynsha atalǵan qaryzdy óndirip berý týraly sotqa aryzdanǵan», - dep habarlady qalalyq sottyń baspasóz qyzmeti.
Іsti qaraý barysynda taraptar sýdıanyń qatysýymen ótkizilgen daýdy medıatsııa tártibinde retteý týraly kelisimge keldi. Kelisim shartyna sáıkes, aıyptalýshy JShS-ǵa 2016 jyldyń 1 shildesine deıin aryzdanýshy S.-nyń 513 437 teńge mólsherindegi eńbek aqysyn tolyq tóleý mindetteldi, al japa shegýshi óziniń aryzyndaǵy talaptardyń bir bóliginen bas tartty.
Pavlodar qalalyq sotynyń 17 naýryzdaǵy uıǵarymymen aryzdanýshy S. men JShS arasynda jasalǵan medıatsııa tártibinde daýdy retteý týraly kelisim bekitildi. Atalǵan eńbek daýy boıynsha is júrgizý toqtatyldy.
Uıǵarym zańdy kúshine endi.
