Pavlodarda tazalyq tártibin saqtamaǵan 6 myńnan astam azamat jazaǵa tartyldy
PAVLODAR. KAZINFORM — Ertis-Baıan óńirinde ekologııalyq talaptardy buzǵan 6656 adam ákimshilik jaýapkershilikke tartylǵan. Olarǵa jalpy somasy 6,5 mln teńgeden astam aıyppul salyndy.
Pavlodar oblysynyń polıtsııasy tabıǵat qorǵaý, ekologııa organdarymen, qoǵamdyq uıymdarmen jáne ekobelsendilermen birlesip, óńir aýmaǵynda reıdtik is-sharalar júrgizdi.
Oblystyq polıtsııa departamentiniń málimetinshe, reıdter barysynda qalalar men eldi mekenderdi abattandyrý qaǵıdalaryn buzý jáne qoǵamdyq oryndardy lastaý boıynsha 6656 derek tirkelgen. Barlyq quqyq buzýshy ákimshilik jaýapkershilikke tartylǵan. Al qaldyqtardy basqarý salasyndaǵy ekologııalyq talaptardy buzý faktileri boıynsha materıaldar oblystyq ekologııa departamentine joldanǵan.
— Ruqsat etilmegen qoqys oryndary jıi paıda bolatyn aýmaqtar erekshe baqylaýǵa alynǵan. Máselen Pavlodar qalasynyń Soltústik ónerkásiptik aımaǵynda «KamAZ» júk kóliginiń júrgizýshisi qurylys qaldyqtaryn belgilenbegen jerge tókkeni anyqtaldy. Jınalǵan materıaldar tıisti sheshim qabyldaý úshin ekologııa departamentine joldandy, — deıdi Pavlodar oblysy polıtsııa departamenti qoǵamdyq qaýipsizdik basqarmasy bastyǵynyń mindetin atqarýshy Maqsat Sárın.
Eske sala keteıik, SQO-da ekologııalyq talapty buzǵandar jazalandy.