Pavlodarda Táýelsizdik kúnimen quttyqtaý baıqaýynyń jeńimpazdary anyqtaldy
Shara 16 qarasha men 13 jeltoqsan aralyǵynda JEBE qoǵamdyq birlestigi Pavlodar oblysynyń mádenıet, tilderdi damytý jáne arhıv isi basqarmasynyń qoldaýymen uıymdastyryldy.
Onyń aıasynda, oblys turǵyndary, túrli kásiporyndar, mekemeler, bilim ordalary arasynda Táýelsizdik kúnine oraı Úzdik beıne quttyqtaý túsirýi tıis boldy.
Kez kelgen turǵyn, otbasy, ujym ózderiniń Táýelsizdik toıyna qatysty erekshe quttyqtaýlaryn vıdeoǵa túsirip, #JEBETAUELSIZDIK arnaıy heshtegimen óz áleýmettik jelilerinde jarııalaýy tıis boldy. Quttyqtaýlar án, kúı, bı, óleń sııaqty túrli formatta qabyldandy. Eń kreatıvti, úzdik dep tanylǵandary marapatqa ıe boldy.
Baıqaýǵa Pavlodar oblysynyń mádenıet, tilderdi damytý jáne arhıv isi basqarmasy zor qoldaý kórsetti. «Baıqaý jarııalanǵan kúnnen bastap alǵashqy vıdeolar túse bastady. Turǵyndardyń belsendiligi óte joǵary boldy. Baıqaýǵa barlyǵy 270-ten astam vıdeo quttyqtaý kelip tústi. Ókinishke qaraı, 30-dan astam vıdeo talapqa saı bolmaǵandyqtan keri qaıtaryldy. Kópshiligi belgilengen ýaqyttan asyp ketip jatty, taqyrypqa saı bolmady», - deıdi JEBE QB tóraǵasy Danııar Jumádil.
Birlestik tóraǵasynyń aıtýynsha, baıqaýǵa Pavlodar oblysynyń barlyq qalasynan, aýdanynan, shalǵaı aýyldardan qatysty. Budan bólek, Almaty, Nur-Sultan, Taraz, Túrkistan qalalarynan baıqaýǵa arnaıy túsirilgen quttyqtaýlar keldi. ıAǵnı, baıqaý respýblıkalyq deńgeıge kóterildi. «Qazylar alqasy úshin sheshim shyǵarý ońaı bolǵan joq. Birneshe saǵat otyryp, ár vıdeony muqııat qarady. Ókinishke qaraı, belgilengen ýaqytynan, ıaǵnı 1 mınýttan áldeqaıda asyp ketken vıdeolar birden ysyrylyp otyrdy. Ol – talap. Úzdikterin tańdadyq», - dedi Danııar Jumádil.
Qorytyndy boıynsha «Úzdik otbasylyq quttyqtaý» atalymynda oryn 1-oryndy Aqerke Qazkenova jeńip aldy. 2-oryndy Dúısenbaı ÁlKáýsar jáne Muhyshevtar otbasy enshildi. 3-oryn Golovchýkter otbasy, Qońqaı otbasy, Aızere Asqarovaǵa buıyrdy.
