Pavlodarda Táýelsizdik kúni qarsańynda 144 otbasy baspanaly boldy
ASTANA. QazAqparat - Pavlodarda Táýelsizdik kúnine oraı toǵyz qabatty turǵyn úı paıdalanýǵa berildi, dep habarlaıdy pavlodarnews.kz.
«Kýtýzova kóshesi, 233» mekenjaıyndaǵy 144 páterli turǵyn úı «Nurly jer» baǵdarlamasy aıasynda boı kóterdi.
«Búgin biz Táýelsizdik kúni merekesi qarsańynda qýanyshqa kenelip otyrmyz, - dep turǵyndardy quttyqtady Pavlodar oblysynyń ákimi Bolat Baqaýov. - «Nurly jer» aıasynda biz osyǵan deıin bes kópqabatty turǵyn úıdi paıdalanýǵa berdik. Birneshe jyl buryn osy jer bos jatqan edi, bir jarym jyl ishinde záýlim úıge boı kóterdi. Paıdalanýǵa berilgeli turǵan turǵyn úıdiń mańynda «Rýhanı jańǵyrý» ınstallıatsııasy ornalasqan. Ol da kóshege kórik syılaıdy. Elimizden bereke men birlik ketpesin. Mereke barshańyzǵa qutty bolsyn».
Jańa baspana satyp alý quqyǵymen jaldamaly túrde berildi. Bir sharshy metri 1060 teńgeni quraıdy. Úı qurylysyn «Baıterek Development» AQ ınvestıtsııasyna «Shańyraq - 14» JShS júrgizdi. Qurylys quny - 1 mıllıard 595 mıllıon teńge. 
