Pavlodarda tárkilengen 3 tonnaǵa jýyq spırtten antıseptık jasalady

PAVLODAR. QazAqparat – Pavlodar oblysynda 3 tonnaǵa jýyq tárkilengen spırt antıseptık jasaýǵa jumsalady, dep habarlaıdy QazAqparat Qarjy monıtorıngi komıtetiniń baspasóz qyzmetine silteme jasap.

Komıtettiń Pavlodar oblysy boıynsha Ekonomıkalyq tergeý departamenti jedel-izdestirý is-sharalary barysynda budan buryn kóleńkeli aınalymnan alynǵan 2,9 myń lıtrden astam quramynda spırt bar ónimdi S.Toraıǵyrov atyndaǵy Pavlodar memlekettik ýnıversıtetiniń hımııa jáne hımııalyq tehnologııalar kafedrasyna antıseptık óndirip shyǵarý úshin tabystady.

Baspasóz qyzmetiniń málimetinshe, atalmysh departament aınalymnan alynǵan quramynda spırt bar suıyqty, sondaı-aq medıtsınalyq maska men antıseptıkterdi ýákiletti organdar men mekemelerge berip keledi. Pandemııa bastalǵan kezeńnen bastap qolǵa alynǵan bul shara Pavlodar oblysynda koronovırýs ınfektsııasynyń taralýynyń aldyn alý maqsatynda jasalady.