Pavlodarda tárkilengen 227 tonna spırt qoldy boldy

PAVLODAR. QazAqparat - Pavlodar oblysynyń prokýratýrasy ýákiletti organnyń múlikti memleket kirisine tárkileý týraly sot qaýlysyn uzaq ýaqyt oryndamaǵanyn anyqtady, dep habarlady qadaǵalaý organynyń baspasóz hatshysy Aıymgúl Ermýlatova.

Prokýratýra derekterine sáıkes 2009, 2012 jáne 2015 jyldary ákimshilik sot salyq zańnamasyn buzǵany úshin «Innova» JShS,  «QazAlkoProm» ulttyq alkogol kompanııasy» JShS  jáne «JelDorTehSnab» JShS-da 463 590 lıtr  aktsızdeletin spırttik ónimin  memleket kirisine tárkileý týraly qaýly shyǵarǵan.

Spırt zaýyty aýmaǵynyń saqtaý ornyn tekserý kezinde ónimniń ishinara joǵalǵany anyqtaldy, ol 226 960 lıtr spırt jáne sý-spırttik ónimder. Júrgizilgen saraptama qorytyndysy boıynsha túrli ydystaǵy qalǵan spırttiń kúshtiligi 59-86 paıyz bolǵan, tárkileý kezindegi ilespe qujattarda ol 96 paıyz dep kórsetilgen.

Osyǵan baılanysty ónim memlekettik múddege, ıaǵnı medıtsınalyq-áleýmettik mekemede, qorǵanys ónerkásibinde   paıdalanýǵa jaramyz bolyp qaldy.

Sprıttiń kúshtiliginiń tómendeý faktisi boıynsha prokýratýra QR QK 425-baby 1-bóligi boıynsha qylmystyq is qozǵady.