Pavlodarda tarıhı tulǵalardy zertteýshiler klýby ashyldy
PAVLODAR. QazAqparat - Sultanmahmut Toraıǵyrov atyndaǵy Pavlodar Memlekettik ýnıversıetinde tarıhshy Asan Ázirbaev tarıhı tulǵalardy zertteýmen aınalysatyn klýb uıymdastyrdy, dep habarlaıdy QazAqparat.
«Bul meniń bastamam. Men qandaı da bir memlekettiń tarıhı protsesine tikeleı nemese janama qatysy bolǵan azamattardy zertteımin»,-dedi A.Ázirbaev.
«Men basty nazardy eki máselege baǵyttymaqpyn. Personalıstik kontseptsııa degen bar. Onda naqty bir tulǵanyń tarıhı protsesterge áser etetindigi jónindegi máseleler qamtylady. Sondaı-aq antıpersonalıstik paradıgmalar bar. Onda tulǵanyń tarıhı úderisterge qandaı da bir tarıhı jaǵdaılar men ózge de faktorlarǵa baılanysty yqpal etetini aıtylady. Biz osy eki pikirlerdi biriktire otyryp, qandaı da bir tulǵaǵa qatysty naqty obektıvti kózqaras tanytýǵa tyrysamyz»,-deıdi tarıhshy.
Atalmysh klýb Qazaqstan tarıhy kafedrasynyń bazasynda quryldy. Klýbty uıymdastyrýshylar jastarǵa jan-jaqty bilim men durys tárbıe berýdi basty maqsat etip otyr.
