Pavlodarda tamyz aıynan bastap aýyzsý tarıfi ózgeredi
PAVLODAR. KAZINFORM — Buǵan deıin oblys ortalyǵynyń tutynýshylary ýaqytsha tómendetilgen tarıfti qoldanyp kelgen bolatyn. Tarıf tamyz aıynan bastap 2025 jyly qoldanylǵan deńgeıge qaıta oralady.
Jergilikti aýyzsý mekemesi ýákiletti organnyń 2026 jylǵy 1 shildedegi № 54-OD buıryǵyna sáıkes, 2026 jylǵy 1 tamyzdan bastap 2026–2030 jyldarǵa arnalǵan taratý jelileri arqyly aýyzsý men tehnıkalyq sý berý, sondaı-aq sarqyndy sýlardy burý jáne tazartý jónindegi rettelip kórsetiletin qyzmetterdiń tarıfteri engiziletini týraly habarlady.
— 2026 jylǵy 1 tamyzdan bastap jeke tulǵalar úshin sýmen jabdyqtaý jáne sý burý qyzmetteriniń tarıfi 97,01 teńgeni quraıtyn bolady. ıAǵnı ol 2025 jyly qoldanylǵan deńgeıge qaıta oralady. Eske salaıyq, 2025 jylǵy jeltoqsannan bastap 2026 jylǵy 31 shildege deıin turǵyndar úshin 86,89 teńge mólsherindegi ýaqytsha tómendetilgen tarıf qoldanyldy, — dep málimdedi jergilikti aýyzsý kásipornynan.
Buǵan deıin Pavlodarda shilde aıynan bastap elektr qýatynyń tarıfi ózgergenin jazǵanbyz.
