Pavlodarda «Talantty ustaz - daryndy balalarǵa» olımpıadasynyń oblystyq kezeńi márege jetti

Bilim básekesinde aımaqtaǵy 33 mekteptiń gýmanıtarlyq jáne psıhologııalyq-pedagogıka, fızıka men matematıka pánderiniń 46 oqytýshysy baq synady. Al qazylar alqasynyń quramyna jergilikti joǵary oqý oryndarynyń ǵalymdary engen.

Nátıjesinde Daryndy balalarǵa arnalǵan mektep-lıtseıdiń ustazy Nurbolat Temirov, qyzdarǵa arnalǵan qazaq-túrik lıtseıiniń oqytýshysy Farıda Baıymbetova jáne №2 Maıqaıyń mektebiniń muǵalimi Roza Daldybaeva jeńimpaz atandy.

Jarystyń oblystyq kezeńiniń qorytyndysy boıynsha 15 ustaz bilim berý basqarmasynyń dıplomdarymen marapattaldy.

Almaty qalasynda mamyr aıynda ótetin «Talantty ustaz - daryndy balalarǵa» pedagogıkalyq olımpıadasynyń respýblıkalyq kezeńine І, ІІ, ІІІ dárejeli dıplomdardyń ıegerleri qatysady.