Pavlodarda taksı júrgizýshisin óltirip ketti
PAVLODAR. QazAqparat - Polıtsııa Pavlodar-Omby kúre jolynyń boıynan taksı júrgizýshisi Azamat Uıyqbaevtyń máıitin tapty, dep habarlaıdy «QazAqparat» HAA Pavlodar oblystyq ІІ departamentine silteme jasap.
«Múrdeni 19 jeltoqsanda tapty. Jas jigitti beldikpen qylqyndyryp óltirgen. Úsh adamǵa kúdik keltirilip otyr. Olar adamdy tunshyqtyrǵan, sodan keıin denesin jol boıyna tastap, avtomobıldi aıdap ketken», - deıdi polıtsııadaǵylar.
Azamat Uıyqbaev 13 jeltoqsanda iz-túzsiz joǵalǵan.
Týǵan-týystarynyń aıtýynsha, Naberejnoe aýylynan «Lada 2110» avtomobılimen shyǵyp, Pavlodardaǵy jumysyna ketken. Shamamen 19:00-de telefon arqyly áıeline óziniń avtovokzalda ekendigin habarlaǵan. Keıinirek telefony óship qalǵan.
Qylmysqa túrmeden shyqqan úsh adam kúdiktelýde.
