Pavlodarda taǵy bir bala terezeden qulap ketti

PAVLODAR. KAZINFORM – Jyl basynan oblysta osymen jetinshi bala úı terezesinen qulap ketken.  Olardyń ekeýi kóz jumdy. 

Pavlodarda ashyq turǵan terezeden bir jasar bala qulap ketken. Bala quqyqtary jónindegi óńirlik ýákil Sáýle Shákenovanyń málimetinshe, zardap shekken jetkinshek qazir oblystyq balalar aýrýhanasynda jatyr.

– Sábıdiń jaǵdaıy turaqty, medıtsına qyzmetkerleri ortasha aýyrlyqta dep baǵalady. Negizgi shaǵym – jaraqattar men kógerýlerge baılanysty aýyrsyný sındromy. Ómirine qaýip tónip turǵan joq, - dep málimdedi ol. 

Sáýle Shákenova buǵan qosa óńirde balalarydń terezeden qulaý oqıǵalary jıilep turǵanyn atap ótti. Aıtýynsha, bıylǵy 13 sáýirden beri Pavlodar oblysynda 7 sábı terezeden qulap ketken. Ókinishke qaraı, olardyń ekeýi kóz jumǵan.

Eske sala keteıik, Pavlodarda bes jasar bala ashyq turǵan terezeden qulap ketti