Pavlodarda taǵy 3 mekteptiń qurylysy bastalady
2024 jyly Pavlodarda taǵy 3 mekteptiń qurylysy bastalady. Bul týraly Pavlodar oblysynyń ákimi Asaıyn Baıhanov aıtty, dep habarlaıdy Kazinform.
«Oqýshy oryndarynyń tapshylyǵyn azaıtý maqsatynda «Jaıly mektep» jobasy boıynsha Pavlodarda 1200 jáne 600 oryndyq eki mekteptiń qurylysy bastaldy. Kelesi jyly árqaısysy 1200 oryndyq taǵy 3 mekteptiń qurylysyn bastaý josparlanǵan. Óńirdiń iri ónerkásiptik kompanııalarynyń qarajaty esebinen apatty mektepterdiń de máselesi sheshildi.», - dedi ol búgin Ortalyq kommýnıkaıtsıalar qyzmetindegi baspasóz máslıhatynda.
Oblys basshysynyń atap ótýinshe, úsh aýylda jańa zamanaýı mektepter salynyp, paıdalanýǵa berildi.
«Óńirde jalpy somasy 6,5 mlrd teńgege 54 mektepti jańǵyrtý jumystary júrgizildi. Qalǵan 162 mektepti kelesi 2 jylda jóndeımiz. Shaǵyn aýyldardyń balalaryn tasymaldaý úshin 46 mektep avtobýsy satyp alyndy», - dedi Asaıyn Baıhanov.
