Pavlodarda sybaılas jemqorlyqqa qarsy mádenıetti qalyptastyrý júıeli júrgizilýde
Bul týraly oblys ákiminiń orynbasary Aızada Qurmanova QR Sybaılas jemqorlyqqa qarsy is-qımyl agenttiginiń Respýblıkalyq aqparattyq úgit nasıhat shtabynyń basshysy Yrza Tursynzadamen ótken kezdesý kezinde aıty.
«Osy jyldyń mańyzdy jobasy - 109 biryńǵaı qyzmetiniń iske qosylýy. Ol halyqtyń tynys-tirshiligin qamtamasyz etý suraqtaryn, ótinishterin qabyldaý, konsýltatsııa alý máselelerin sheshý úshin qolaıly boldy. Nátıjesinde oblystyń memlekettik organdaryna arnalǵan keńeste 34 447 ótinish kelip tústi. Bul ótken jyldyń sáıkes kezimen salystyrǵanda 28 paıyzǵa az. Oblys turǵyndarynyń joǵary turǵan memlekettik organdarǵa ótinishteriniń tómendeýi de baıqalady. Sonymen birge, shaǵymdardyń azaıýyn da atap ótýge bolady», - dedi Aızada Qurmanova.
Osylaısha azamattardyń memlekettik organdarǵa kelip túsken ótinishteriniń arnalary aıtarlyqtaı keńeıtildi jáne halyqpen sapaly keri baılanys tásilderi jergilikti atqarýshy organdarmen júıeli túrde sheshilýde.
Pavlodar oblysynda qoǵamdaǵy sybaılas jemqorlyqqa qarsy mádenıetti qalyptastyrýǵa baǵyttalǵan sharalar kesheni josparly jáne kezeń-kezeńmen júıeli túrde júzege asyrylýda.
Bıyl oblys ákimdigi men sybaılas jemqorlyqqa qarsy is-qımyl agenttiginiń oblystyq departamenti arasynda alǵash ret sybaılas jemqorlyqqa qarsy is-qımyl jónindegi jol kartasy qabyldandy.
Onyń túpki maqsaty - jergilikti atqarýshy organdardy transformatsııalaý jáne óńirimizdiń turǵyndarynyń arasynda sybaılas jemqorlyqqa qarsy mádenıetti qalyptastyrý.
«Pavlodar oblysy elimizde alǵashqylardyń biri bolyp qalalyq jáne aýdandyq servıstik ákimdikterdiń ashylýyn aıaqtady. Sonymen birge, bir mezgilge birneshe ótinish berýshini qabyldaý, olarǵa qolaıly jaǵdaı jasaý úshin oblys ákiminiń ǵımaratynda OPEN-ákimdik ofısi ashyldy. Osy jumystyń maqsaty -memlekettik organdardyń qoljetimdiligi men ashyqtyǵyn qamtamasyz etip, sabaqtastyq pen demokratııany joıý», - deıdi Aızada Qurmanova.
Budan basqa, ol azamattardyń ótinishterin qaraý sapasy ákimder men memlekettik organdar basshylary jumysynyń tıimdiliginiń mańyzdy bólshekteriniń biri ekenin alǵa tartty. Bul rette, oblys ákimi apparatynyń qurylymynda aǵymdaǵy jyly azamattar ótinishterin qaraý jónindegi bólim ashylǵan. Bul azamattardyń ótinishterin qabyldaý men qaraýdy jandandyrýǵa júıeli túrde múmkindik beredi.
Oǵan qosa, pılottyq rejımde «Lıder» jobasy iske qosyldy. Bul - áleýmettik jelilerdegi barlyq habarlamalar, shaǵymdar men ótinishter baqylaýǵa alynyp, oryndaý merzimderin anyqtaý jáne ótinish berýshiniń keri baılanysyn sınhrondaıtyn derekter bazasy. ıAǵnı áleýmettik jelilerdegi ótinishter de baqylaýǵa alynyp, óz sheshimderin tabatyn bolady.
Aıta keterligi, bıyl Pavlodar oblysynda tsıfravızıatsııalaý boıynsha jeti aýqymdy joba ázirlenip, júzege asty: sıtýatsııalyq ortalyq, oblystyq mobıldi qosymshalar, áleýmettik ID kartasy, qoǵamdyq kóliktegi elektrondyq júıesi, geoportal júıesi, aqparttyq analıtıkalyq júıesin oblys kóleminde engizý.
Yrza Tursynzada árkim óz isine adal bolý kerektigin atap ótti.
«Biz tekti halyqpyz jáne ony umytpaýymyz kerek. Aldymyzǵa kelgen adamdy tektiligimizdi umytpaı, eshteńe dámetpeı-aq, sol bir jaqsylyǵymyzdy jasap, mindetimizdi oryndasaq deımin», - dedi Yrza Tursynzada.